ПАВАЖАНЫЯ БАЦЬКІ!
ВАС ВІТАЕ ДЗЯРЖАЎНАЯ ЎСТАНОВА АДУКАЦЫІ
«ЛУКСКІ ДЗІЦЯЧЫ САД КАРЭЛІЦКАГА РАЁНА»
Мы чакаем Вас і Вашых дзяцей!
У дашкольную ўстанову прымаюцца дзеці ва ўзросце ад 1 года да 6 гадоў.
ЯКІЯ ДАКУМЕНТЫ НЕАБХОДНА ПРАДАСТАЎЛЯЦЬ
ПРЫ АФАРМЛЕННІ Ў ДЗІЦЯЧЫ САД:
Артыкул 140. Агульныя патрабаванні да прыёму (залічэння) асоб для атрымання дашкольнай адукацыі
1. Прыём (залічэнне) асобы для атрымання дашкольнай адукацыі ажыццяўляецца на падставе:
1.1. заявы законнага прадстаўніка гэтай асобы (пішацца ў дашкольнай ўстанове);
1.2. медыцынскай даведкі аб стане здароўя;
1.3. накіравання, выдадзенага мясцовым выканаўчым і распарадчым
органам па месцы знаходжання ўстановы адукацыі (Лукскім сельвыканкамам), — для атрымання дашкольнайадукацыі ў дзяржаўных установах адукацыі, прыватных установах
адукацыі, якія рэалізуюць адукацыйную праграму дашкольнай адукацыі,
фінансаванне часткі выдаткаў якіх ажыццяўляецца за кошт сродкаў мясцовых
бюджэтаў;
1.4. заключэння ўрачэбна-кансультацыйнай камісіі — для атрымання
дашкольнай адукацыі дома, у санаторных дзіцячых садах, санаторных групах
устаноў адукацыі, іншых арганізацый, у індывідуальных прадпрымальнікаў,
якія ажыццяўляюць адукацыйную дзейнасць, па рэалізацыі адукацыйнай
праграмы дашкольнай адукацыі;
1.5. заключэння дзяржаўнага цэнтра карэкцыйна-развіваючага навучання
і рэабілітацыі — для асоб з асаблівасцямі псіхафізічнага развіцця.
2. Прыём (залічэнне) асоб для атрымання дашкольнай адукацыі ў частцы,
не ўрэгуляванай гэтым Кодэксам, ажыццяўляецца ў адпаведнасці з Палажэннем аб заснаванні дашкольнай адукацыі або яе відзе.
РЭЖЫМ РАБОТЫ ДЗІЦЯЧАГА САДА:
ПАНЯДЗЕЛАК — ПЯТНІЦА
8:00 — 18:30
ВЫХАДНЫЯ ДНІ: СУБОТА, НЯДЗЕЛЯ, святочныя нерабочыя дні, вызначаныя урадам Рэспублікі Беларусь
Што карысна ведаць бацькам аб распарадку дня:
Распарадак дня дае магчымасць арганізаваць сумесную жыццядзейнасць усіх дзяцей узроставай групы. Ён таксама закліканы садзейнічаць паўнацэннаму фізічнаму і псіхічнаму развіццю дзіцяці.
Памятайце!
Своечасовы прыход і догляд дзіцяці з’яўляецца неабходнай умовай правільнай рэалізацыі адукацыйнага працэсу.
Розныя дзеці па-рознаму арганізуюцца згодна з распарадкам дня. Ёсць тыя, для каго распарадак даецца лёгка, а ёсць тыя, каму вельмі складана.
Важна:
— памятаць, што цяжкасці ў распарадку дня часцей за ўсё звязаны з індывідуальнымі асаблівасцямі дзіцяці, таму ні ў якім разе нельга «ламаць» дзіця, а быць максімальна ўважлівым і цярплівым;
— умець па-майстэрску і паступова прывучаць дзіця да рэжымных момантаў;
— старацца і ў дні, калі дзіця застаецца дома, прытрымлівацца таго распарадку дня, па якім дзеці жывуць у дашкольнай установе;
— памятаць, што распарадак дня існуе для дзіцяці, а не дзіця — для яго.
Аб адзенні:
Адзенне дзяцей, якія наведваюць дашкольную ўстанову павінна быць камфортным, зручным, не абцяжарвае руху, а таксама адпаведным кліматычным умовам. Апранайце дзіця так, каб яму было лёгка і зручна. Калі дзіця занадта захутана, то гэта абмяжуе яго рухомасць і прывядзе да потлівасці, што можа выклікаць у дзіцяці прастуду.
Асаблівую ўвагу надайце таму, каб у вашага дзіцяці быў трывалы і зручны абутак. Не рэкамендуемы выкарыстоўваць абутак без абцаса (тэпцікі), бо гэта спрыяе развіццю плоскаступнёвасці ў дзіцяці.
Вашаму дзіцяці неабходна мець запасны камплект адзення: бялізну, калготкі, шорты, спаднічку, кофту, шкарпэткі, Не забывайце пра насоўку.
Для заняткаў фізічнымі практыкаваннямі патрэбны шорты, майка, шкарпэткі, спартыўны абутак.
Строга прытрымлівайцеся наступных правілаў!
Не прымаюцца ў групу дзеці з сімптомамі прастуды, высыпанняў ці іншага захворвання.
Просім своечасова паведамляць выхавальніку дашкольнай адукацыі групы па тэлефоне 7 06 86 пра немагчымасць прыходу дзіцяці ва ўстанову дашкольнай адукацыі па хваробе або іншай прычыне.