Паважаныя бацькі!
На базе ДУА » Лукскі дзіцячы сад Карэліцкага раёна» арганізавана кароткачасовае прыбыванне выхаванцаў
да 2 гадзін.
Кароткачасовае прыбыванне выхаванцаў арганізавана у функцыяніруючай групе (мадэль — прагулачная група: уключэнне дзяцей у адукацыйны працэс на перыяд правядзення прагулкі).
Арганізацыя групы заснавана на тым, што ваша дзіця ва ўзросце ад 1 да 3 гадоў, уключана ў адукацыйны працэс сумесна з рознаўзроставай групай (у першую палову дня).
Прагулачная група функцыяніруе 3 разы ў нядзелю: аўторак, чацвер, пятніца з 10.30 да 12.30, без арганізацыі харчавання, на бясплатнай аснове.
Пры кароткачасовым прыбыванні выхаванцаў з імі арганізуюцца розныя віды дзіцячай дзейнасці: гульнявая (дыдактычныя, сюжэтна-ролевыя гульні і інш.), пазнавальная, пацоўная (гаспадарча-бытавая праца), фізкультурна-аздараўленчая (рухомыя гульні і фізічныя практыкаванні, самастойная рухальная дзейнасць і інш.), мастацкая дзейнасць, індывідуальная работа з выхаванцамі.
Для залічэння ў прагулачную групу необходна:
1.Заява законных прадстаўнікоў
2.Накіраванне Лукскага сельвыканкама
3.Медыцынская даведка аб стане здароўя дзіцяці.
Дзеці ў прагулачнай групе знаходзяцца разам з бацькамі.
Работа прагулачнай групы арганізавана ва ўмовах функцыяніруючай на пастаяннай аснове рознаўзроставай групы ў перыяд з 01.09.2025 — 31.08.2026 для дзяцей дашкольнагао ўзросту, якія не наведваюць дзіцячы сад на пастаяннай аснове.
Арганізацыя работы прагулачнай групы прадугледжвае рэалізацыю наступных напрамкаў:
— здароўезберагальнае суправаджэнне працэсу адаптацыі;
— інфармацыйнае суправаджэнне;
— педагагічнае суправаджэнне адаптацыйнага перыяду.
Прагулачная група знаходзіцца разам з арганізаванымі дзецьмі, што мае шэраг станоўчых момантаў:
— бацькі на свае вочы бачаць работу педагога ў рэальных умовах, што дазваляе развіць пачуццё даверу да выхавальніка;
— узнікае «кола даверу»: дзіця пераконваецца ў бяспецы новага месца для гульняў, знаёміцца з новым дарослым у яго асяроддзі і прывязваецца да яго, унутрана прымае новы распарадак дня;
— малыя цягнуцца да больш старэйшых дзяцей падчас гульні, адцягваюцца ад маці, што стымулюе хуткасць сацыялізацыі дзіцяці.
З групай працуюць выхавальнікі
дашкольнай адукацыі:
Свінцова Вольга Валер’еўна, выхавальнік першай катэгорыі;
Норанберг Алена Уладзіміраўна, выхавальнік першай катэгорыі.
Па пытаннях арганізацыі і работы прагулачнай групы Вы можаце звярнуцца
па тэл: 8 (015)96 7 06 86
На ўсе пытанні, якія Вас цікавяць, адкажа загадчык – Бучацкая Марыя Васільеўна