СТАРОНКА НАСТАЎНІКА-ДЭФЕКТОЛАГА

Мэты і задачы пункта карэкцыйна-педагагічнай дапамогі

Мэта :

арганізацыя і аказанне карэкцыйна-педагагічнай дапамогі дзецям, якія маюць парушэнні маўлення.

Задачы:

• вывучэнне асаблівасцей псіхафізічнага развіцця выхаванцаў з мэтай вызначэння аптымальных шляхоў аказання ім карэкцыйна-педагагічнай дапамогі;

• развіццё ўсёй маўленчай сістэмы ў цэлым, а менавіта: развіццё агульнай маўленчай актыўнасці, назапашванне слоўніка, развіццё фанематычнага (маўленчага) слыху, развіццё граматычнага боку мовы, навучанне навыкам словаўтварэння і словазмянення, развіццё звязнага маўлення, развіццё артыкуляцыйнай маторыкі і карэкцыя гукавымаўлення;

• фарміраванне пазітыўнай матывацыі да вучэбнай дзейнасці, развіццё функцый самакантролю і адвольнай рэгуляцыі паводзін у выхаванцаў.

Паказанні да залічэння ў пункт карэкцыйна-педагагічнай дапамогі:

У склад ПКПД залічваюцца дзеці з маўленчымі парушэннямі, а менавіта:

• фанетычныя парушэнні маўлення (дыслалія, дызартрыя, парушэнне голасу, рыналалія);

• фанетыка-фанематычнае недаразвіццё маўлення (дыслалія, дызартрыя);

• нярэзка выяўленае агульнае недаразвіццё маўлення;

• парушэнні тэмпа-рытмічнага боку маўлення (заіканне лёгкай ступені, брадзілалія, тахілалія).

Дзеці з цяжкімі парушэннямі маўлення (алалія, агульнае недаразвіццё маўлення I — II узроўняў) навучаюцца ў групах для дзяцей з ЦПМ, установах спецыяльнай адукацыі ці іншых установах адукацыі, якія рэалізуюць адукацыйныя праграмы спецыяльнай адукацыі на ўзроўні дашкольнай адукацыі.

Дзеці, у якіх парушэнні псіхафізічнага развіцця не могуць быць выпраўленыя ва ўмовах пункта, праходзяць паглыбленае псіхолага-медыка-педагагічнае абследаванне ў абласным ЦКРНіР з мэтай удакладнення структуры, ступені цяжкасці парушэння і вызначэння адэкватных умоў арганізацыі навучальнага працэсу (навучанне ў спецыяльнай установе адукацыі, у спецыяльнай ці інтэгрыраванай групе, спецыяльным класе або класе інтэгрыраванага навучання).

Абследаванне выхаванцаў з мэтай выяўлення маўленчых парушэнняў настаўнік-дэфектолаг праводзіць на працягу зімовых і вясновых канікул.

Што робіць настаўнік-дэфектолаг?

Шырока распаўсюджана меркаванне аб тым, што лагапеды толькі «ставяць» гукі, г. з. выпраўляюць няправільнае гукавымаўленне. Гэта не зусім так.

   Мэтай лагапедычнага ўздзеяння з’яўляецца

  РАЗВІЦЦЁ ЎСЁЙ МАЎЛЕНЧАЙ СІСТЭМЫ ў цэлым, а менавіта:

• развіццё агульнай моўнай актыўнасці,
• назапашванне слоўніка,
• развіццё фанематычнага (моўнага) слыху,
• развіццё граматычнага боку маўлення,
• навучанне навыкам словаўтварэння і словазмянення,
• развіццё звязнага маўлення
• развіццё артыкуляцыйнай маторыкі і, нарэшце,
• карэкцыя гукавымаўлення.

  У ходзе работы адначасна вырашаецца шэраг дадатковых задач:

• развіццё псіхічных працэсаў (увага, памяць, успрыманне, мысленне),
• фарміраванне элементарных вучэбных навыкаў  (умець уважліва слухаць педагога, мэтанакіравана выконваць пастаўленую задачу, адэкватна ацэньваць вынік сваёй работы і выпраўляць памылкі),
  фарміраванне перадумоў навучання грамаце (навучанне гукавому аналізу слоў, знаёмства з паняццямі «гук, слова, сказ» і інш., развіццё дробнай маторыкі і прасторавай арыенціроўкі),
  прафілактыка парушэнняў пісьма і чытання.                                                                                                                                                    

ЗАЦВЯРДЖАЮ

Загадчык _____________

М.В.Бучацкая

Графік работы настаўніка-дэфектолага Богуш С.Г.

на 2-е паўгоддзе  2025/2026 навучальнага года