Выхаванцы праводзіць у дзіцячым садзе большую частку дня. Стварыць жывую, хатнюю атмасферу ў памяшканні дапамогуць пакаёвыя кветкі і расліны. Яны не толькі прыгожа выглядаюць, але і выконваюць карысныя функцыі – чысцяць паветра ад таксінаў і пылу, павялічваюць узровень вільготнасці ў памяшканнях.
Дзеці любяць даглядаць, паліваць расліны ў кутку прыроды: праціраюць буйныя расліны вільготнай анучкай, рыхляць глебу і апырскваюць лісце. Такія элементарныя працоўныя даручэнні выхоўваюць цікавасць да пакаёвых раслін і жаданне даглядаць іх. Так, выхавальнікі фарміруюць у дзяцей простыя навыкі догляду пакаёвых раслін, выхоўваюць клопат і беражлівыя адносіны да прыроды.
